Slúðrið hennar Ásgerðar

Pínu mikið að gera

Sun, 25 Nov 2007 11:47:03 GMT

Jæja jæja ég ætla að rita örfáar línur hérna. Ég veit ég er hræðileg í þessu bloggdótaríi. Ég bara hreinlega hef ekki haft tíma í að blogga og þegar ég hef tíma þá nenni ég ekki að blogga.

En já það er svo sem ekki mikið að gerast hjá mér. Ég vinn bara mína vinnu og er svo í fjarnáminu ennþá. Hef ekki gefist upp á því þó þetta sé alveg hræðilega mikið og stundum er maður á barmi taugaáfalls. Ég hef líka svo hrikalega góðar stelpur til að læra með en það eru þær Elva Dögg systir og hún Addú sem er að vinna með Elvu, hún er reyndar í fæðingarorlofi eins og er. En já það er bara svo mikið að gera í þessum blessaða skóla að það kemst ekkert annað að. Svo fara prófin að byrja og læti en ég er ekki búin í þeim fyrr en 18. desember takk fyrir kærlega :S

Næsta laugardag ætla ég að gera aðventukrans með vinkonunum og kannski Elva systir verði með. Það væri nú gaman. Maður verður nú að taka smá pásur inn á milli og þá er alveg tilvalið að búa til aðventukrans. Ég vona að hann fari nú ekki eins og hann fór síðast hjá mér en þá lenti ég í árekstri og ég var svo viss um að hann hefði eyðilagst sem hann gerði nú reyndar ekki 8|

Ég er búin að segja upp í vinnuni og hætti þar 1. janúar. Byrja svo á leikskólanum Álfasteini 2. janúar. En ástæðan fyrir því að ég hætti í vinnuni er sú að ég fæ bara betri díl niðrá leikskóla og hann er bara rétt hjá heimili mínu. Ég gerði sem sagt samning við Hafnarfjarðarbæ um að ég fái frí í vinnuni á launum þegar ég þarf´að fara í vettvangsnám eða í skólan. Núna á þessari önn hef ég verið að vinna á næturvöktum og farið svo beint í skólan og það er bara ekki alveg að virka svo ég sá fram á það að það væri bara betra að fara að vinna á leikskólanum. Enda er líka komin tími á smá breytingu. Ég hef unnið á Sunnuhlíð í nær 5 ár og svo er ég komin í annað nám og langar að fara að vinna við það. Afla mér smá reynslu og svona ;) Þetta verður bara gaman.

Ég verð að vinna eins og brjálaðingur eftir próf en ég þar þó ekki að vinna á aðfangadagskvöld sem betur fer. Ég var beðin um að vinna frá 20-00 en ég sagði helst ekki og hún bara lét undan. Sem betur fer. Ef ég þyrfti að vinna þá myndi ég frekar vilja vinna til 20 því þá gætu mamma og pabbi bara beðið með matinn þangað til þá. En þetta er bara fínt. Ég held svo að síðasta vaktin verði 27. desember. Þá hef ég smá frí þar til ég byrja í hinni vinnuni. Ohh þetta er allt svo spennandi.

En jæja ég ætla að snúa mér að lærdómnum aftur ;) Hvernig væri svo að KVITTA!!!!

Blogga hvað??

Wed, 17 Oct 2007 17:31:37 GMT

Já það er bara eitthvað svo mikið að gera hjá mér að ég hef bara engan tíma í neitt og hvað þá að blogga!

En allavega þá ætla ég nú að reyna að rita niður örfáar línur. Eins og ég segi þá er eitthvað voða mikið að gera hjá mér og ég geri voða lítið annað en að vera í vinnuni og læra þegar ég er í fríi. En ég er nú búin að segja upp í vinnuni og ætla að fara að færa mig yfir í yngri deildina og sótti um á leikskóla og auðvitað fékk ég strax þar inn. En ég verð að semja við deildarstjóran minn um hvenær ég megi hætta. Í rauninni má ég ekki hætta fyrr en 1. febrúar á næsta ári en ég ætla að reyna að semja um að ég hætti bara strax í desember. Það er betra fyrir mig að vinna á leikskóla með náminu því þá get ég gert samning við Hafnarfjarðarbæ um að ég vinni í einhver nokkur ár eftir útskrift og fæ þá frí á launum þá daga sem ég þarf að mæta í skólan og í verknám, sem ég fæ nottla ekki í þessari vinnu sem ég er í núna. Ég t.d. var á næturvöktum bæði þegar ég þurfti að mæta í skólan núna í október og svo aftur þegar ég mætti í verknámið í gær og það var svo hrikalega erfitt að halda sér vakandi á meðan ég var í skólanum og í verknáminu og ég tala nú ekki um að þurfa að vera í krigum öskrandi börn eftir næturvakt... mæli ekki með því en þetta reddaðist nú alveg það er ekki málið. Bara pínu erfitt :$

Annars er það í fréttum að foreldrar mínir eru loksins komin heim. Búin að vera út í Nýja Sjálandi og Ástralíu í 5 heilar vikur. Það var svo gott að fá þau heim aftur :D Á meðan þau voru úti var alltaf partý þær helgar sem við Guðjón vorum í fríi og það eru sömu helgar. En það var bara stuð þó svo það sé voða gott að fá þau gömlu heim aftur. Þarf ekki endalaust að borða ein og svona. Annars var ég voða dugleg að fara til Elvu systur að borða.

En já ég hef ekki mikið meira í fréttum í bili og ætla að snúa mér að lærdómnum. Hvernig væri svo að kvitta fyrir komuna????

Ása

Jeijj

Sun, 23 Sep 2007 01:28:31 GMT

Ekkert nema gleði gleði þessa dagana. Ég var að fá að vita að við Addú, sem er með mér í skólanum, fengum 9 fyrir eitt verkefnið okkar :haha: Þvílík gleði að heyra það! En annars er bara brjálað að gera í skólanum eins og vanalega og það er bara verkefni á eftir verkefni en ég held þetta reddist. Það er voða gott að hafa svona stuðningsmenn eins og Addú og Elvu systur. Addú er að vinna með Elvu og byrjaði í þessu með okkur núna í haust. Við hittumst reglulega á fimmtudagskvöldum og lærum eins og brjálæðingar og hámum í okkur eitthvað gott til að halda einbeitningunni í lagi ;) Svo förum við bara að fara í skólan í eina viku núna í byrjun október og verður það bara örugglega gaman :D

Annars er það að frétta af mér að ég fór í smá bústaðaferð með vinnuni í gær og kom aftur heim í dag. Við fórum í sumarbústaði upp í munaðarnesi. Við Auður hjúkka fórum að kaupa allt sem kaupa þurfti og brunuðum svo upp eftir með tveim öðrum og gerðum allt til, hengdum upp blöðrur og hengdum upp voða flott þverlak sem skrifað var á deild 4 og broskall :haha: Þessi ferð heppnaðist bara svaka vel í alla staði og allir skemmtu sér konunglega og aðrir betur og lengur en sumir ;) Nefni engin nöfn hér ;)

En já maður kom svo pínu þunnur í bæinn í dag og fór beint í að setja í þvottavél og uppþvottavél, henda rusli og týna saman handklæði til að setja í þvottavélina. Guðjón bróðir var með partý hér í gær og ekki var til neitt handklæði þegar ég kom heim og ekki stakur diskur eða glas... ja nema sparistellið þeirra mömmu og pabba. En eftir það fór ég svo heim til hennar Addúar að læra þetta verkefni okkar og fengum við bara einkunn strax núna í kvöld. Ég kom svo við í búð á heimleið og keypti smotterí í matinn fyrir okkur Guðjón og Ingvar. Ég skellti mér svo í sturtu á meðan þeir sáu um eldamennskuna :haha:

Ég hef svo bara verið að slappa aðeins af hérna heima fyrir enda soldið þreytt svona eftir þessa partýferð okkar! Á morgun er svo bara að læra læra læra heima hjá Elvu systir. Eigum víst að vera búin að skila einhverju af okkur sem við erum hvorugar búnar með svo það verður bara tekið á því á morgun :whut:

Jæja jæa ég ætla nú ekki að hafa þetta lengra ;)

Lifandi?

Wed, 12 Sep 2007 20:59:26 GMT

Já ég get nú alveg sagt það allavega að ég sé lifandi en ég er bara svo svakalega löt við þessi skrif en þar sem Birna er að heimta færslu ætla ég að skrifa eitthvað smotterí.

Í sumar fór ég til Costa del sol í 2 heilar vikur með Siggu vinkonu. Hótelið var frábært og við þurftum aðeins að labba yfir götuna til að fara á ströndina og lágum við þar heilu dagana :haha: Við fórum auðvitað líka í einhverjar ferðir t.d. til Granada í Alambra höllina, Gíbraltar og svo auðvitað í verslunarferð eins og sannir íslendingar gera ;) Þegar heim var komið tók við vinna en ég fór svo aftur í sumarfrí yfir verslunarmannahelgina og við Sigga fórum vestur á Ísafjörð í bústaðinn okkar þar sem Elva systir og hennar fjölskylda var. Á laugardeginum komu svo mamma og pabbi með flugi og allir fóru á brennu um kvöldið. Þvílíkt stuð sko ;)

Ég er svo byrjuð í kennaraháskólanum að læra leikskólakennaran í fjarnámi og það er svona svolítið mikið að gera en ég held nú að ég ætti að geta klórað mig út úr þessu!!! Elva systir er með mér í þessu svo við getum hjálpast eitthvað að og höfum gert það. Ég minnkaði við mig vinnuna í 80% og ég held það eigi eftir að ganga því ég raða vöktunum mínum svo skemmtilega að ég fæ langar fríhelgar :haha:

Annars ætla ég nú ekkert að hafa þetta neitt mikið lengra í bili og ég skal reyna að standa mig en ég lofa engu ;)

4 dagar í sumarfrí

Sun, 24 Jun 2007 17:16:26 GMT

Halló halló

Já þið lesið rétt.... ég er að fara í sumarfrí eftir 4 daga. Ég á eftir að vinna eina morgunvakt og svo 3 næturvaktir!!! Verð komin í sumarfrí klukkan 8 á fimmtudagsmorgninum :haha: Jibbí !!!! Tilhlökkunin er alveg að fara með mig held ég barasta 8| Ég fer svo út til Costa del sol miðvikudaginn 4 júlí og það eru nú bara 10 dagar í það :haha: Úff ljúft líf ljúft líf

En í öðrum fréttum er það helst að ég sótti um í fjarnám í leikskólakennaranum en er því miður ekki enn búnað fá svar. Ég ætti að fá svar á morgun og vona ég bara það besta. Annars stótti ég bara um á síðustu stundu, var aldrei viss hvað ég ætti að gera og svo ákvað ég bara daginn sem umsóknarfresturinn rann út að ég ætlaði bara að sækja um ! Ef ég fæ inn þá ætla ég að halda áfram að vinna á Sunnuhlíð og fara bara í 80% vinnu til að geta lært sem mest. Elva systir sótti líka um svo við getum stutt hvor aðra í þessu öllu saman.

Ég er loksins búin að fá þjónustubókina mína frá Brimborg sem þeir týndu. Tók bara 3 vikur og mörg mörg leiðinda símtöl áður en ég fékk svo loks bókina fyrir bílinn minn :$ En það er búið og gert.

Annars er nú lítið að frétta af mér eins og vanalega. Ég gerði nú bara ekki neitt um helgina. Ég var reyndar veik á fimmtudagskvöldinu og á föstudaginn svo ekki gerði ég mikið þá. Fór reyndar á kaffihús með Siggu á fimmtudagskvöldinu. Í gær var ég svo að vinna til 16 en eftir það fór ég bara heim og beint í pottinn því það var svo mergjuð sól úti. Ég gerði svo pizzadeig handa okkur múttu. Pabbi var með ferð í allt gærkvöld svo við mæðgur vorum bara 2 einar heima þar sem Guðjón var að vinna. En það var voða notó. Ég var svo bara heima í gærkvöldi og slappaði rækilega af. Í dag var ég svo aftur að vinna til 16 og var bara að hoppa úr sturtunni. Ég er svona að vona að Sigga verði komin heim nógu snemma til að fara með mér á kaffihús 8| En það kemur bara í ljós hvernig það fer allt saman....

Ég kveð í bili og ég skal reyna að vera duglegri að skrifa.... er eitthvað voða löt við það allt saman!

Þvílíkt og annað eins !!!

Fri, 01 Jun 2007 17:09:29 GMT

Já þannig er mál með vexti að ég þurfti að fara með bílinn í 10 þúsund km skoðun. Ég pantaði sem sagt tíma á þriðjudaginn síðasta og fékk tíma kl 8 í morgun! þegar ég pantaði tíman sagði maðurinn í símanum mér að þetta tæki svona 3 korter og þar sem ég á heima í hafnafirði og umboðið fyrir mözdur eru í Brimborg sem er uppá höfða þá datt mér ekki í hug að biðja einhvern um að sækja mig og fara heim því um leið og ég væri komin heim þyrfti ég að fara út aftur því það er alveg klikkuð umferð akkurat á þessum tíma.

Nema hvað, ég kem bara tímanlega upp í Brimborg og fer inn og tilkynni komu mína með bílinn, þá segir kallinn við mig að hann hringi svo bara í mig þegar bíllinn er tilbúin því þetta taki svolítinn tíma. Ég hringi heim og mamma kemur og nær í mig og þegar mamma kemur kl 8:30 þá er bíllinn minn ekki enn farinn inn.

þegar klukkan var orðin 13 í dag var ekki enn búið að hringja í mig frá Brimborg svo ég ákvað að hringja í þá og spurja hvernig gengi með bílinn minn og þá var enn verið að vinna í honum. Ég var auðvitað ekki ánægð með þetta og sagði manninum það að mér hefði verið sagt þegar ég pantaði tíma að þetta tæki ekki nema 3 korter. Hann afsakaði þetta allt saman og sagðist bara ætla að gefa mér afslátt. Svo klukkan 15:30 í dag þá loksins hringja þeir og pabbi fer með mér að ná í bílinn. Á leiðinni heim ákveð ég að kíkja í smurbókina (bara til að forvitnast). En viti menn ég finn ekki bókina svo ég hringi aftur upp í Brimborg og kvarta (enn eina ferðina) en þá finnst bókin ekki hjá þeim og þeir reyndu að snúa sér bara út úr þessu og sögðu að bókin hefði örugglega bara ekkert verið í bílnum. En ég er sko viss um að hún var í bílnum því ég var ekki viss hvort ég ætti að fara með bílinn í 5000 eða 10.000 km skoðun svo ég kíkti á það þá. Og ekki var ég að setja smurbókina neitt annað en í hanskahólfið!!! En greyið maðurinn sem svaraði mér ætlaði að athuga þetta betur og hringja svo í mig. Ef þeir finna smurbókina ekki ætla þeir að gera nýja fyrir mig. En þvílíkt vesen sem þetta hefur verið :frown:

En svona að örðum málum. Ég fór í gær með honum Jón Þóri mági mínum að kaupa mér sjónvarp. Ég tók Jón Þór með mér því ég hef sko ekkert vit á þessum málum. Þetta er alveg svaka flott sjónvarp, 32" og heitir Hannspree ?! Einhver ný tegund. En þetta er flott sko :haha: Get loksins horft á tölvuna í gegnum sjónvarpið :haha: Jón Þór var svo góður við mig að bæði koma með mér og hjálpa mér með þetta og setja sjónvarpið svo upp heima og tengja allar snúrur sem tengja þurfti svo nú er þetta bara idiotproof fyrir mig ;)

En jæja ég nenni ekki þessu röfli lengur ;) En hvernig væri nú að þið kvittuðuð fyrir komuna?!?

Snjókoma ?!?

Sun, 20 May 2007 23:20:17 GMT

Hvað er málið með snjókomu í maí?!? Eins og það er búið að vera gott veður upp á síðkastið þá er þessi snjókoma ekki málið!

En nóg um það. Það er orðið svo langt síðan ég skrifaði síðast svo ég ákvað að setja inn smá færslu fyrir ykkur sem lesa þetta!

Af mér er svo sem ekki mikið að frétta. Ég bíð bara og bíð eftir að komast til spánar en það styttist óðum í það. Fer í sumarfrí 28. júní og fer svo út 4. júlí :haha: Ég hlakka ekkert smá mikið til. Það verður sko bara afslöppun og fínerí í 2 heilar vikur!! Ég kem svo heim 18 júlí en fer ekki að vinna fyrr en 23. júlí og fer svo aftur í sumarfrí yfir verslunarmannahelgina og þá er planið að fara vestur. Veit ekki hvort við förum í sumarbústaðinn sem fjölskyldan á á Ísafirði eða hvort við förum á Patró þar sem fjölskyldan hennar Siggu á smá sveitabæ að ég held 8| En það á allt eftir að koma í ljós barasta. Við Sigga ákváðum það því við eigum örugglega ekki eftir að eiga neitt voða mikla monna eftir spánarferðina okkar 8| En það kemur nú samt allt í ljós. Við erum allavega ekki á leið til eyja.

Við Sigga erum nú alltaf bara 2 saman og á meðan allir voru í prófum fórum við í sumarbústað í Stóruskógum fyrstu helgina í maí. Það var þvílík afslöppunarferð. Við lögðum af stað um 16 úr bænum og vorum komnar bara rétt um 18 uppí stóruskóga og þá var bara eldaður matur og fengið sér eitt stykki bjór eða svo í eftirrétt. Svo var skellt sér í útifötin og tekinn bjór úr ískápnum og farið í minigolf. Við auðvitað stóðum okkur eins og mestu hetjur í golfinu en gáfumst þó upp eftir 2 umferðir útaf kulda og roki og röltum upp í bústað og fórum beint í heitapottinn til að hlýja kroppinn og þar voru drukknir örfáir bjórar. Eftir pottaferðina bjuggum við um okkur á gólfinu á dýnu og skelltum einni mynd í tækið og þar vorum við svo hálfsofnadi þar til við gáfumst upp og fórum inn í rúm að sofa. Á laugardeginum var svo vaknað snemma eða um 9 og um hádegi fórum við í bíltúr. Það var svo grillað um kvöldið sem tókst ekki alveg eins og við héldum að það myndi takast og við vorum ekki búnar að borða fyrr en um 23 8| hehe við erum snillingar í kolagrillum skohh !?! En jæja við fórum svo aftur í minigolf og einn af nágrönnunum kom með okkur. Þorri (nágranninn) bauð okkur svo í bjór til hans og hans liðs og við enduðum svo bara í pottapartýi hjá þeim langt fram á nótt. Við tókum svo bara sunnudeginum með ró en lögðum af stað úr bústaðnum um 15 og komum við hjá pabba hennar Siggu á leiðinni heim en hann á heima á Hvanneyri. Við vorum þar í smá stund en brunuðum svo í bæinn. Þetta var bara virilega góð helgi og vel heppnuð :haha:

Ég fór svo aftur í bústaðaferð núna um helgina en sá bústaður er í Ytri-Vík sem er á milli Akureyrar og Dalvíkur. Í þetta skiptið fór ég með Siggu, Huldu, Oddný og tveim vinum Oddnýjar þeim Kidda og Konna. Þetta var virkilega vel heppnuð fer og bara rosa stuð. Við fengum voða sætan bústað sem er alveg við sjóinn :haha: Það er reyndar soldið langt að keyra þangað en þetta var samt alveg þess virði held ég bara. Það var eiginlega bara drukkið og farið í pottinn og farið í drykkjuspil og já spilað.... mikið spilað :haha:

Annað í fréttum er það að ég er búnað fara í svona einhvers konar verkjasprautu fyrir bakið mitt og mjöðmina og ég held hún sé bara farin að virka núna. Ég var frekar slæm nokkra daga á eftir og ég mátti ekkert vinna í nokkra daga en ég er bara að verða nokkuð góð núna miðað við hvernig ég var. En ég á að halda áfram í sjúkraþjálfuninni í bili allavega en það kemur svo í ljós allt saman.

Ég held ég hafi þetta ekki mikið lengra í bili :haha:

Veikindi

Fri, 27 Apr 2007 19:49:05 GMT

Já þá er mín bara orðin veik. Alveg æðislega skemmtilegt eitthvað eða þannig :$ Ég varð eiginlega veik á miðvikudaginn en mér fannst ég vera eitthvað svo hress um kvöldið að ég ákvað að skella mér í sund með Siggu og Huldu og það voru mikil mistök því ég versnaði um helming. Við fengum okkur nú samt að borða eftir sundið og svo skutlaði ég stelpunum bara heim og fór svo sjálf bara beinustu leið heim og var komin með hita bara klukkutíma eftir að heim var komið. Ég skreið í rúmið bara um 21 og leið svo illa alla nóttina að ég gafst upp á að liggja upp í rúmi og fór fram í stofu í lazy boyinn. Ég var sem sagt með hita, hausverk, hálsbólgu og beinverki og er enn :whut: Fer ekki að vinna á morgun en vona nú að ég komist að vinna á sunnudaginn.

Ég var hundfúl yfir því að komast ekki í rætina á fimmtudaginn var því það var síðasti tíminn og það átti að vera svo skemmtilegur tími! En það byrjar nýtt námskeið á mánudaginn næsta og við Elva systir skráðum okkur auðvitað á það :haha: Bara gaman á þessum námskeiðum. Maður hressist svo við þetta :haha:

Annars er nú ekki mikið að frétta. Ég hef nottla ekkert farið út úr húsi síðan á miðvikudaginn og fyrir mér líður þetta alveg ótrúlega hægt. Mamma og pabbi yfirgáfu mig í dag og fóru vestur á ísafjörð í bústaðinn okkar og ætla að vera fram á mánudag/þriðjudag! Svo við Guðjón erum bara ein heima yfir helgina sem er svo sem fínt en þegar maður er veikur og hangir heima allan daginn þá er alveg fínt að hafa smá félagsskap. Sigga og Hulda ætla að fara á Sailesh (veit ekki hvernig þetta er skrifað) í kvöld og ég nottla komst ekki með :( En þær ætla nú að koma til mín þegar það er búið. Svava vinkona og allir eiginlega bara sem ég þekki eru að fara í próf eftir helgi svo það verða allir að læra.... skiljanlega svo ekki er hægt að bjóða þeim í heimsókn! Ég verð bara að skemmta sjálfri mér með því að glápa á tv þangað til Sigga og Hulda koma :!:

Það styttist óðum í að við Sigga förum út. Ég fæ sumarfrí frá alveg 28 júní - 23 júlí og svo aftur 2 ágúst - 7 ágúst og hlakkar mig alveg geðveikislega til :haha: Við Sigga eigum eftir að hafa það alveg mega gaman úti og ég ætla sko að drekka allan tíman því eins og flest allir vita þá má ég eiginlega ekki drekka núna svo ég verð að bæta mér það upp þegar ég er úti.

Ég stalst til að drekka síðustu helgi :^) En ég sé sko ekki eftir því!!! Alls ekki. Þetta var svooo gaman. Ég var eiginlega að halda upp á afmælið mitt. Við Sigga og Svava skelltum okkur í bláa lónið á laugardeginum og svo var farið heim til Svövu þar sem ég eldaði alveg dýrindismat. Eftir mat var drukkið og spilað. Ég, Sigga og Hulda Ætluðum svo á Sólon að hitta Guðjón bróðir og vini hans en þar sem var geðveik biðröð þá nenntum við ekki að bíða svo við fórum á hressó og ég eiginlega veit ekki hvert Svava og Karen fóru en við sáum þær ekki meir það kvöldið. Við vorum á hressó í smá tíma en ákváðum að fara svo aftur á sólon og fórum bara í V.I.P. röðina þar sem við komumst svo inn eftir einhverjar 2 mínútur! Við vorum á sólon þar til kvöldið var bara búið og ég hef bara ekki skemmt mér svona vel bara þvílíkt lengi :haha: Ég fór svo með Guðjóni og vinum hans í "eftirpartý" heim til Rúnars vinar hans. En það partý etist ekki lengi og við Guðjón vorum komin heim bara um 8 held ég! Þvílíkt vel heppnað kvöld!

Jæja ég ætla ekki að hafa þetta lengra í bili en ég ætla samt að þakka henni Svövu minni fyrir að halda þetta afmælispartý fyrir mig heima hjá sér :haha:

Allir að svara!

Sat, 21 Apr 2007 09:15:16 GMT

Stal þessu af síðunni hennar Elvu systur!

1. Hefuru slegið einhvern í andlitið?
2. Hve gamall/gömul ertu
3. Frátekin/n eða einhleyp(ur) ?
4. Borðaru með höndunum eða notaru áhöld?
5. Dreymir þig á nóttunni?
6. Hefuru séð lík?
7. Hefuru óskað þess að einhver deyji?
8. Ertu að fíla Gogga Bush?
Nú þegar stöðluðu spurningarnar eru búnar, byrjum á góða stöffinu.
9. Hvaða speki hefuru á lífinu? Tekuru því of alvarlega?
10. Ef þú mættir gera hvað sem er með mér án þess að neinn fengi að vita af því. Hvað myndi það vera?
11. Treystiru lögreglunni?
12. Hlustaru á rokk? Ef svo hver er uppáhaldshljómsveitin þín?
13. Hvað er þín besta minning sem þú átt með mér?
14. Ef þú gætir breytt einhverju í fari þínu, hvað myndi það vera?
15. Myndiru deita mig?
16. Í hverju sefuru?
17. Hefuru pissað í sundlaug á meðan þú ert ennþá að synda?
18. Myndiru fela sönnunargögn fyrir mig ?
19. Ef ég myndi deyja á morgun. Hvað myndir ÞÚ gera með mér í dag?
20. Hvað finnst þér best um mig?
21. Er ég hot?
22. Hvað er uppáháldsliturinn þinn?
23. Ef þú gætir vakið eina mannveru til lífsins frá dauðum, hver myndi það vera?
24. Segðu mér eina heimskulega / tilgangslausa staðreynd um þig.
25. Muntu endurpósta þessu svo ég geti svarað þér?

Afmæli

Wed, 18 Apr 2007 11:20:22 GMT

Jæja nú er oðrið alltof langt síðan ég skrifaði hérna inn á þetta blessaða blogg :|

En af mér er bara allt gott að frétta svo sem. Ég var á næturvakt síðustu nótt, klukkan orðin 11 og ég ekki enn farin að sofa. Ég var sem sagt búin klukkan 8 í morgun og fór þá bara heim í sturtu svona rétt til að gera mig frískari og betri útlítandi ég fékk mér svo að borða smávegis. Ég tók svo af rúminu mínu og setti í eina þvottavél og skellti mér svo til heimilislæknisins klukkan 10:20. Læknirinn vill senda mig í myndatöku útaf bakinu svo ég pantaði tíma um leið og ég kom heim og fékk tíma í dag klukkan 12:40 svo það tekur því ekki fyrir mig að fara að sofa núna því þá á ég svo erfitt með að vakna aftur svo ég sit bara í lazy boy með tölvuna í fanginu og cartoon network í sjónvarpinu. En um leið og myndatakan er búin fer ég sko beinustu leið í rúmið því ég er svo að fara á aðra næturvakt í nótt 8| Busy dagur hjá mér!

Af því ég á nú afmæli í dag ætla ég að halda smá upp á það á laugardaginn því ég er að vinna alla vikuna svo ekki er mikið hægt að gera. En á laugardaginn ætlum við að skella okkur í bláa lónið nokkrar saman og svo heim til Svövu minnar að elda góðan mat. Svava er ein heima og stakk upp á því að við myndum bara hittast heima hjá henni og borða saman. Það verður örugglega bara þvílíkt stuð en þar sem ég má ekki drekka ætla ég ekki að snerta áfengið en þeir sem vilja drekka og djamma er það náttúrulega alveg velkomið ;) Þetta verður sko þvílíkt gaman og ég hlakka mikið til :haha:

Annars er eitthvað voðalega lítið að frétta af mér. Geri alltaf það sama... ræktin, vinna, hestbak, sjúkraþjálfun og sofa. Ég, Sigga og Hulda fórum reyndar á línuskauta um daginn eða ég og Hulda því Sigga fann ekki sína en hún fór í staðin með hundinn út að labba. Það var bara nokkuð gott að komast aðeins á línuskauta, langt síðan við fórum síðast! En ég keypti mér sem sagt nýja línuskauta á svaka útsölu í everest um daginn. Línuskautarnir áttu að kosta 14 þúsund en ég fékk þá á 7 þúsund. Ég bara gat ekki sleppt þessu!

En jæja ég ætla að fara að taka úr þvottavélinni svo ég hef þetta ekki lengra í bili!

p.s. hvernig væri að kvitta þegar þið kíkið inná síðuna svo mar sjái nú hverjir eru að skoða??

Blogg = leti

Fri, 23 Mar 2007 18:40:32 GMT

Já ég er alveg svakalega löt við þetta blogg. Annað hvort veit ég ekki hvað ég á að segja eða bara að ég hef ekkert að segja en ég skal reyna að rita eitthvað niður fyrir ykkur sem lesa þetta ;)

Dagarnir hjá manni eru nú allir eins og það er bara vinna, sofa, hitta vinina, sjúkraþjálfun 2 daga í viku og svo bara mest lítið. Ég er reyndar byrjuð í ræktinni og það eru sem sagt 3 lokaðir tímar á viku og svo bara mætir maður eins oft og maður kemst og nennir. Ég er hérna í Hress í Hafnafirði svo það er ekki langt að fara. Ég mæti á mánudögum, þriðjudögum og fimmtudögum kl 6 á morgnana og eru tímarnir í klukkutíma og svo fer ég annað hvort heim í sturtu og svo í vinnuna eða heim í sturtu og svo að lúra aðeins lengur eða þar til ég mæti í sjúkraþjálfun. Þetta er þvílíkt skemmtilegt og bara svooo gott og maður er svo eiturhress þegar maður er búin í tíma að það hálfa væri nóg :D

Það kom svolítið fyndið fyrir mig um daginn. Ég fór í blóðprufu upp á domus medica eins og ég þarf alltaf að gera áður en ég fer til Ellenar húðlæknisins míns. Nema hvað að ég fer inn og þá kemur kona sem heitir Þórunn á móti mér sem var með mér í sjúkraliðanáminu nema hún útksrifaðist síðustu jól og ég síðasta haust. Hún var sem sagt byrjuð að vinna þarna. Svo þegar búið var að taka blóð úr mér fórum við Þórunn eitthvað að tala saman og sú sem tók blóðið úr mér spurði mig að því hvort ég væri sjúkraliði líka og ég náttúrulega játaði því og þá bara bauð hún mér vinnu hjá sér. Ég er alveg að pæla í því. Ætla að vita hver launin eru og svona og hvort ég lækki nokkuð rosalega mikið í launum. Ég tími nú ekki að lækka eitthvað svakalega svo ég ætla að sjá til. En ég held það sé bara gaman að prófa að vinna á rannsóknarstofu. Fékk að fylgjast með þegar ég var í verknámi og leist bara ansi vel á það verð ég að segja. En þetta er allavega eitthvað að pæla í :haha:

Sjúkraþjálfinn minn heldur að það hafi komið sprunga í hryggjarlið hjá mér við áreksturinn og það þýðir að það eigi eftir að taka langan tíma að jafna sig svo ég býst ekkert við að fá að hætta neitt alveg strax í sjúkraþjálfuninni :( Ég er svo gölluð. En ég finn alveg stórmun á mér ef ég er ekki í sjúkraþjálfun svo það er kannski bara betra að halda sig í þjálfuninni. Enda er þetta svo sem bara allt í lagi.

En já það er nú ekki mikið meira að frétta hjá mér. Er bara eitthvað voða eirðarlaus núna og það hjálpar aðeins að pikka inn á tölvuna og svo er nú svo langt síðan ég hef skrifað hérna inn og Svava er bara farin að halda að einhver hafi étið mig en hún ætti nú að vita betur þar sem ég hitti hana nú voða oft 8|

En ekki meir í bili ;)

Dauð ???

Sun, 11 Feb 2007 19:50:58 GMT

Já nei nei ég er nú enn á lífi ef þið voruð að velta því fyrir ykkur ;) Ég er bara búin að vera eitthvað voðalega löt við þessa bloggvitleysu eins og þið hafið nú kannski tekið eftir.

Það hefur nú ekki neitt ofsalega mikið drifið á mína daga svo það er kannski ekki neitt rosa mikið að segja frá en ég skal gera mitt besta við að rita nokkur vel varin orð niður hérna fyrir ykkur að lesa ;)

Ég er búin að fá mér lögfræðing... einhver lögfræðingur sem hann Dabbi minn benti mér á og mér líst bara alveg ágætlega á hann held ég bara. Er nú reyndar bara búnað hitta hann einu sinni en það var nóg. Ég er sem sagt komin með lögfræðing útaf slysinu sem ég lenti í í desember. Hann ætlar að hjálpa mér t.d. að fá allan lækniskostnað og sjúkraþjálfunina borgaða og svo fer hann í að tala við heimilislæknirinn minn og svo tryggingarfélagið varðandi bætur og allt það dæmi en það verður ekkert gert í því fyrr en í fyrsta lagi ári frá slysi eða sem sagt í kringum 3 des á þessu ári svo ég verð bara að bíða og sjá og athuga hvort ég fari ekki bara að lagast af þessum bakverkjum :whut: Ég er sem sagt enn í sjúkraþjálfun og er hún nú ekkert að gera neitt ofsalega mikið fyrir mig þar sem ég er bara alltaf með verki og get voða takmarkað gert. Ég er t.d. hrikaleg eftir vinnuna og þá sérstaklega ef ég er á kvöldvakt og svo morgunvakt strax daginn eftir en ég þrauka og mæti alveg í vinnuna og svona. En ég er bara dugleg að taka verkjatöflur og er ég á voltarin við verkjum. Ég er svo líka dugleg að fara til læknis og láta fylgjast með mér og á ég að mæta til heimilislæknisins á föstudaginn í næstu viku og þá fæ ég að heyra hvað hún vill gera í þessum málum... hvort hún vilji eitthvað láta mynda mig eða hvað :$

En að allt öðrum málum þá er ég búin að panta mér ferð til Costa del sol þann 4. júlí næstkomandi og ætla að vera í 2 vikur með henni Siggu vinkonu. Við fengum okkur stúdíóíbúð á hóteli sem heitir Bajondillo og er bara alveg rétt við ströndina. Við þurfum bara að fara yfir eina götu og þá bara er mar komin á ströndina. Þvílíkur lúxus verður það. Svo held ég að bærinn sé bara í eitthvað um 10 mínútna fjarlægð svo þetta verður bara þvílíkt stuð og ég vill helst bara að sumarið komi á morgun svo þetta verði fljótlegra að líða 8| Ég fæ í fyrsta skipti ever sumarfrí á launum og það alveg rúmar 4 vikur svo ég ætla að njóta þess í botn að liggja á ströndinni og stikna á launum :haha:

Helgin hjá mér hefur annars bara verið góð og hef ég verið í fríi. Á föstudaginn var mér hleypt aðeins fyrr úr vinnuni bara af því bara en ég var nú samt á fullum launum alveg til 16. Bara lúxus. Ég fór svo um kvöldið með henni Siggu að borða og svo til hennar Birnu þar sem skvísurnar Birna, Marta, Alda og Oddný biðu eftir okkur. Við spiluðum svo bæði Leanardo og Meistarann og vorum við að til um 2:30 þann daginn.

Á laugardeginum fórum við Sigga svo í smá bíltúr. Við stoppuðum fyrst hjá Faxa sem er foss þarna rétt hjá Geysi. Eftir það var svo brunað í Haukadal sem er bara líka þarna rétt hjá Geysi og þar var skoðuð kirkjan sem er á staðnum. Þegar við vorum búnar að grandskoða okkur um þar var farið á Gullfoss og teknar myndir eins og á öllum hinum stöðunum ;) En þar sem var svo askoti kalt þá lögðum við ekki í það að labba niður að fossinum heldur drifum við bara myndatökuna af og hoppuðum inní bíl aftur og brunuðum á næsta stað en sá staður voru Flúðir en ekkert var farið út úr bílnum þar. Við fórum svo að koma okkur hægt í bæinn en fórum samt lengri leiðina því við keyrðum yfir á Eyrarbakka og þaðan fórum við svo í bæinn. Við spiluðum svo kana það kvöldið með stúlkunum Oddný og Svövu sem var bara þvílíkt mikið stuð.

Í dag bauð hún Karen mér og Gabríel með sér í leikhús á leikritið Karíus og Baktus. Hún fór með Elvar litla strákinn sinn og átti auka miða svo hún bauð okkur með. Ég bjóst nú ekki við því að hann Gabríel hefði þolinmæðina í það að horfa á því hann er jú ekki nema 16 mánaða guttinn en viti menn hann sat bara í fanginu á mér allan tíman. Hann var reyndar ekkert alltof sáttur við Karíus og Baktus en um leið og ég tók utan um hann þá hætti hann að skæla.... hann er svo hugrakkur þessi litli gaur. Við fórum svo í inn í kringlu þegar leikritinu lauk og leyfðum strákunum að hlaupa um. Við fórum svo í Ævintýraland í kringlunni og vorum þar alveg heillengi að leyfa þeim að fá sína útrás og leika sér og það var sko þvílíkt vinsælt. Takk kærlega fyrir okkur Karen og takk fyrir lánið á stráknum Elva Dögg ;)

Jæja ég held þetta sé bara orðin ein stór ritgerð hérna hjá mér svo ég held ég láti þetta nægja í bili :haha:

Jæja.... jæja....

Fri, 19 Jan 2007 00:50:06 GMT

Ætli það sé ekki komin tími á smá blogg þar sem ég hef nú ekki skrifað baun síðan einhver tíman um jólin!!! Það er nú kannski ekkert alltof mikið að frétta af mér síðan síðast. Ég var í veikindafríi í vinnuni alveg til 27. desember og var það svo sem alveg ágætt svona yfir jólin en samt leiðinlegt. Ég er svo byrjuð hjá sjúkraþjálfara og vona ég að þessir verkir í bakinu mínu fari bara að fara... orðin hundleið á þeim! Ég verð nú að viðurkenna að það er hálf asnalegt að vera ekki í skóla núna. Ég veit ekkert hvað ég á að gera með allan minn frítíma. Ég er nottla að vinna alveg 100% vinnu en þegar ég er í fríi þá er bara voða lítið að gera hjá mér nema bara hitta vinina sem er alveg voða fínt að geta hitt og þurfa ekki að vera að læra undir próf eða what ever! Ég hef ákveðið að fara ekki alveg strax í Háskólan. Bara hreinlega nenni því ekki eins og er og ætla bara að safna mér smá pening og fara kannski til útlanda í sumar og svona og ætli það verði ekki costa del sol sem verður fyrir valinu að þessu sinni. En það á alveg eftir að ákveða það. Jæja ætla ekki að hafa þetta lengra í bili... ætlaði svona rétt að láta vita að ég sé á lífi

Jólin búin og nýtt ár að koma

Fri, 29 Dec 2006 19:17:54 GMT

Ég ætla bara að byrja á því að óska ykkur öllum gleðilegra jóla :haha: Ég þakka bara kærlega fyrir allar þær gjafir sem ég fékk, þær voru allar rosa flottar og fínar. Ég fékk alveg rosa flotta sæng og sængurverasett frá Elvu systur og Guðjóni bróður, sléttujárn frá múttu og pabba og bara rosa mikið fleira sem ég er engan vegin að nenna að telja upp. Ég er allavega mjög ánægð með þetta allt saman :haha: Jóladagur var svo bara frekar rólegur en annan í jólum var svo jólaboð hérna heima í mömmu fjölskyldu og var það bara svaka fínt. Það var spilað og haft voða gaman. Seinna um kvöldið var svo frænka mín með partý niðrí bæ og við Guðjón, Jón Þór og Svava kíktum í það en enduðum svo inná Sólon þar sem við hittum einhverja vini hans Guðjóns. Ég gafst svo upp á að vera ein með strákunum og Rúnar vinur hans Guðjóns skutlaði mér svo heim um leið og hann fór heim sem var einhver tíman um hál 4.

Ég fór til læknis föstudaginn 22. des útaf bakinu mínu og hún vildi hafa mig heima alveg til 27. des og gaf mér einhverjar bólgueyðandi töflur og eftir að ég byrjaði að taka þær stórlagaðist ég alveg, er nú samt ekkert alltof góð en ég er allavega bara fegin að ég sé eitthvað að lagast 8| En allavega ég þurfti sem sagt að vera í fríi yfir jólin og mér fannst það bara fínt en var nú samt með móral því ég átti að vera að vinna alla jóladagana en svona er það nú bara. Þetta eru alveg fyrstu jólin sem ég hef verið í fríi bara í mörg ár held ég bara:!: En ég fór svo að vinna aftur þarna á miðvikudaginn og var að vinna í gær og í dag og það er bara frábært að vera komin aftur í vinnuna eftir mjög svo langa hvíld :haha:

Ég hef ekki hugmynd um hvernig áramótin hjá mér verða en ég borða allavega hérna heima með múttu, pápa og Guðjóni bróður og svo verður gert eitthvað skemmtilegt og nottla verið með þeim yfir miðnætti en svo held ég að ég sé að fara til hennar Karenar minnar en mamma hennar ætlar að vera svo góð að vera með strákana hennar svo hún geti tjúttað örlítið með okkur :haha: Þetta verður örugglega bara ógó gaman og mig er eiginlega bara farið að hlakka örlítið til. En ég er í fríi alla helgina og á mánudaginn svo ég ætla að njóta þess í botn að þurfa ekki að vakna og gera eitthvað. Reyndar erum við Elva Dögg systir að fara að versla smá á morgun :haha:

En jæja nóg í bili

Sjúkraliði og stúdent

Fri, 22 Dec 2006 22:02:06 GMT

Jæja þá er mín bara orðin bæði sjúkraliði og stúdent. Varð nú reyndar sjúkraliði seinasta vor en svo var ég bara að útskrifast sem stúdent núna 20. desember :haha: Ég og Guðjón bróðir vorum bæði að útskrifast þann 20. des og var því frekar mikil hlaup hjá foreldrunum til að ná í báðar útskriftir. Guðjón var að útskrifast sem kokkur frá MK. Mín útskrift byrjaði kl 13 en Guðjóns kl 14. Mamma og pabbi byrjuðu bæði hjá mér en svo fór pabbi yfir til Guðjóns og ég skutlaði mömmu svo í útskriftina hans Guðjóns þegar mín var búin en fór svo sjálf heim. Nennti ekki að finna stæði og læti svo ég fór bara heim að setja krem á kökuna mína. Þegar Guðjón kom svo heim var nottla tekin mynd af okkur með húfurnar. Eftir það fórum við til hennar ömmu okkar sem því miður komst ekki í útskriftarveisluna. Svo var farið heim að gera til fyrir veisluna sem byrjaði kl 20. Þetta var svaka flott veisla og bara gaman af. Ég ætla bara að þakka öllum fyrir allar gjafirnar og kveðjurnar :haha:

Ég hef ekkert farið að vinna neitt og fór til læknis í dag og hún setti mig á bólgueyðandi verkjalyf og sagði mér að ég ætti að vera heima til 27. des :| Ég er orðin alveg hundleið á að vera heima hjá mér að gera ekki neitt. Mig langar alveg svakalega að vinna á aðfangadag því það kemur mér alltaf í svo mikið jólaskap. En það verður svo sem gott að hafa ein jól svona þar sem ég get legið í leti fyrir framan sjónvarpið. Það er svo allavega eitt jólaboð og það er haldið hjá okkur þetta árið. Ég veit svo ekki hvort það sé jólaboð á jóladag hjá frænku minni eða hvort það verði á áramótunum.

Ég held ég sé bara búin að gera allt fyrir jólin. Ég fór með pabba núna áðan að kaupa jólagjöf handa mömmu. Það er nottla brjálað veður og ekki beint skemmtilegt að versla á þessum tíma ársins. Við völdum smáralindina og fundum nú svo sem stæði strax og það var ekkert svaka mikið að gera og fengum alveg afgreiðslu bara strax í þeim búðum sem við keyptum gjafirnar. Við settumst svo niður á kaffihúsi og pabbi fékk sér einn bjór en ég fékk mér bara kók þar sem ég var að keyra. Það er nú ekki oft sem maður fer svona með pabba sínum og var þetta því bara frekar skemmtilegt :haha:

Ég hugsa að ég fái mér bara nammi í kvöld og njóti þess að vera inni í þessu vonda og leiðinlega veðri. Það á víst að vera alveg snarvitlaust í nótt og nenni ég því ekkert að fara út. Bara hafa það notó hérna heima :haha:

En hef ekki meir að segja í bili svo ég kveð að sinni :haha: